Almaniya Bundesliqasında "Union Berlin"in yeni baş məşqçisinin adına aydınlıq gəlib.
İdman.biz xəbər verir ki, komandaya Şteffen Baumqart rəhbərlik edəcək.
O, futbolçu kimi 2002-2004-cü illərdə Berlin təmsilçisinin heyətində oynayıb. Baumqart meydana çıxdığı 68 oyunda 22 qol vurub. Şteffen iki dəfə "Union Berlin"in heyətində ilin ən yaxşı futbolçusu seçilib, ona kapitan sarğısı həvalə olunub.
52 yaşlı mütəxəssis məşqçi kimi "Paderborn", "Köln" və "Hamburq" kimi klublarda fəaliyyət göstərib. Baumqart yanvarın 2-də komanda ilə ilk məşqinə çıxıb.
Qeyd edək ki, "Union Berlin" Bundesliqada 15 turdan sonra 17 xalla 12-ci pillədə qərarlaşıb.
İdman.biz
