"Fənərbaxça"nın baş məşqçisi Joze Mourinyo "Real"dakı xatirələrini bölüşüb.
İdman.biz xəbər verir ki, portuqaliyalı mütəxəssis 2013-cü ildə Madrid klubunu tərk etdiyinə görə təəssüflənib.
O, Florentino Peresə "yox" dediyinə görə peşman olub: "Əgər peşəkar seçimlərimdən danışsaq Florentinoya "yox" dediyimi qeyd edərdim. O, mənə "Mou indi getmə, sən çətinini etmisən və yaxşı dövr gəlir" dedi. Elə olacağını bilirdim, amma İspaniyada çətin 3 ildən sonra "Çelsi"yə dönmək istəyirdim. Bundan başqa, Avropa Liqasının finalında məğlub olduqdan dərhal sonra "Roma"nə tərk etməli idim. Bu addımı atmadım və səhv etdim".
Qeyd edək ki, Mourinyo 2010-2013-cü illərdə "Real"a başçılıq edib və 1 dəfə İspaniya çempionu titulunu qazanıb.
İdman.biz
