Kriştiano Ronaldo Səudiyyə Ərəbistanında xoşbəxt olduğunu bildirib.
İdman.biz xəbər verir ki, portuqaliyalı ulduz son müsahibəsində bu barədə açıqlayıb.
O, ölkə çempionatında çempion titulunu qazanmağın çətin olduğunu etiraf edib: "Çempionatda "Əl-Hilal" və "Əl-İttihad"la mübarizə aparmaq çox çətindir, amma bu yolda tam gücümüzlə yarışırıq. "Əl-Nəsr"lə daha böyük titullar qazanmaq istəyirik, misal kimi Asiya Çempionlar Liqasını göstərmək olar. Bu turnirdə qalib olmağı arzulayıram".
Kriştianu Səudiyyə Ərəbistanında oynamaqdan fəxr hissi keçiridiyini deyib: "Mən və ailəm burada çox xoşbəxtik. Biz gözəl ölkədə yeni həyata start vermişik. Səudiyyə Ərəbistanında oynamaq böyük fəxrdir, bir çox ulduzlar buraya gəlirlər və bu amil çempionatı rəqabətli edir. Bu ölkəyə gələn ilk ulduz oldum, yaxın 5-10 ildə liqanın daha da inkişaf etməsini arzulayıram".
İdman.biz
