Uğursuz nəticələrdən sonra "Vest Hem" baş məşqçisi ilə yollarını ayırmağa hazırlaşır.
İdman.biz xəbər verir ki, Xulen Lopeteginin gələcəyi qarşıdakı oyunlardan asılıdır.
Premyer Liqada ardıcıl iki oyunda uduzan "çəkicdöyənlər" 23 xalla 14-cü pillədə qərarlaşıblar. Nəticələrdən razı qalmayan London klubunun rəhbərliyi ispaniyalı mütəxəssisə iki oyun vaxt verib. İngiltərə mətbuatı Lopetegini Qrem Potterin əvəz edəcəyini yazıb.
Qeyd edək ki, "Vest Hem" yanvarın 11-də Federasiya kubokunda səfərdə "Aston Villa", ayın 14-də isə Premyer Liqanın 21-ci turunda öz meydanında "Fulhem"lə qarşılaşacaq.
İdman.biz
