Aaron Morli 4 gün ərzində iki komandanın heyətində son dəqiqələrdə qələbə topunun müəllifi olub.
İdman.biz xəbər verir ki, o, hər iki qolu İngiltərə 1-ci Liqasında "Ekzeter"in qapısından keçirib.
Morli əvvəlcə yanvarın 1-də icarə əsasında çıxış etdiyi "Uikomb"a qələbə qazandırıb (2:1). Aaron 90+4-cü dəqiqədə penaltini dəqiq yerinə yetirib. 3 gün sonra icarədən "Bolton"a dönən 24 yaşlı yarımmüdafiəçi yenə də həlledici topun müəllifi olub. O, bu dəfə 90+1-ci dəqiqədə dəqiq zərbə ilə "Ekzeter"i məyus edib - 2:1.
İdman.biz
