Rusiyanın məhşur "Dinamo" (Moskva) klubunun - FCDM-nin fevralın 17-18-dən etibarən Azərbaycanda rəsmi futbol məktəbi fəaliyyətə başlayacaq.
İdman.biz xəbər verir ki, bu barədə offsideplus.az saytında məlumat yayılıb.
"Dinamo" futbol klubunun Bakı məktəbi 4-14 yaşlılar üçün nəzərdə tutulub. Məktəbə yazılanlara "Dinamo" metodika və məşq qaydalarına görə imkanlar yaradılacaq, əsas futbol bacarıqlarının mənimsənilməsi və idman ruhunun inkişafı planlaşdırılıb.
Futbol məktəbində qapıçılar üçün xüsusi proqram fəaliyyət göstərəcək. Əfsanəvi Lev Yaşin adına "Dinamo" akademiyası yerli qapıçıların hazırlanmasına artıq hazırdır.
FCDM yetirmələri yerli çempionat və yarışlarda iştirak etməyi planlaşdırır.
Məktəbin rəsmi instaqram hesabında Moskva təmsilçisinin qolkiperi, "Qarabağ"ın sabiq qapıçısı Andrey Lunyov azərbaycanlılara müraciət edib.
İdman.biz
