“Fənərbaxça”nın 19 oyunluq seriyası bitib

Türkiyənin “Fənərbaxça” klubunun qələbə seriyası qırılıb.

İdman.biz xəbər verir ki, komanda 19 oyundan sonra xal itirib.

“Sarı-lacivərdlilər” öz meydanında “Trabzonspor”a 2:3 hesabı ilə uduzublar. Komanda mövsümün startından çıxış etdiyi bütün turnirlərdə keçirdiyi oyunları qələbə ilə başa vurmuşdu. Bu uğur “Trabzonspor” üçün əlamətdar olub. Komanda 26 ildən sonra çempionat oyununda İstanbulda “Fənərbaxça”nı məğlub etməyi bacarıb.

Qeyd edək ki, məğlubiyyət nəticəsində İsmail Kartalın yetirmələri liderliyi əldən veriblər. “Qalatasaray”ın 31, “Fənərbaxça”nın 30 xalı var.

İdman.biz