"Mançester Siti"nin hücumçusu Erlinq Holland üçün mövsüm bitib.
İdman.biz xəbər verir ki, onun Premyer Liqanın qalan turlarında meydana çıxa bilməyəcəyi dəqiqləşib.
Norveçli forvard İngiltərə kubokunun 1/4 finalında "Bornmut"la qarşılaşmada ayaq biləyindən zədələnib. Holand 2:1 hesabı ilə yekunlaşan oyunun 61-ci dəqiqəsində əvəzlənib. O, stadionu əsanın köməyi ilə tərk edib.
Erlinqin iyunun 15-də start götürəcək klublararası dünya çempionatında forma geyinəcəyi gözlənilir.
Qeyd edək ki, Holand bu mövsümdə bütün turnirlədə meydana çıxdığı 40 oyunda 30 qol vurub, 4 ötürmə verib.
İdman.biz
