Andrea Pirlo yenidən "Sampdoriya"nın baş məşqçisi təyin oluna bilər.
İdman.biz xəbər verir ki, 45 yaşlı mütəxəssis ötən il avqustunda istefaya göndərilib.
Genuya təmsilçisinin B seriyasında işləri qaydasında getmir. Komanda son 6 görüşdə 4 dəfə heç-heçə oynayıb, 2 dəfə uduzub. 31 turdan sonra 32 xal toplayan "Sampdoriya" 17-ci pillədə qərarlaşıb. Genuyaylılar Seriyadakı mövqelərini qorumaq üçün 15-ci pillədə yer almalıdır. Reqlamentə görə, 16-17-ci yeri tutan komandalar C Seriyası təmsilçiləri ilə pley-offda qarşılaşacaq, 18-20-ci tutanlar isə liqanı tərk edəcəklər.
Qeyd edək ki, Pirlo ilə yanaşı Cuzeppe Yakini və Aurelio Andreatsoli "Sampdoriya"nın baş məşqçi vəzifəsinə namizəddir.
İdman.biz
