Ötən həftə zədələnən "Mançester Siti"nin hücumçusu Erlinq Holand sosial şəbəkədə paylaşım edib.
İdman.biz xəbər verir ki, o, paylaşımında "Geri dönəcəm" yazıb.
Norveçli forvardın 5-7 həftə yaşıl sahələrdən uzaq qalacağı bildirilib. Holand İngiltərə kubokunun 1/4 finalında "Bornmut"la qarşılaşmada ayaq biləyindən zədələnib. Onun iyunun 15-də start götürəcək klublararası dünya çempionatına hazır olacağı gözlənilir.
Qeyd edək ki, Erlinq bu mövsümdə 40 oyunda 33 qol vurub, 4 ötürmə verib.
İdman.biz
