“Dördqat Olimpiya mükafatçısı Mariya Stadnik üçün lisenziya qazanmaq digərlərinə nisbətən daha asan olacaq”.
İdman.biz xəbər verir ki, bunu Dünya Güləş Birliyinin (UWW) saytı Azərbaycan millisinin lideri Mariya Stadnikin aprelin 5-7-də Bakıda keçiriləcək lisenziyalı turnirdəki şanslarını dəyərləndirərkən yazıb.
UWW qarşıdan gələn yarışda idmançının güclü tərəflərini açıqlayıb: “Stadnik 50 kq-a qədər çəki dərəcəsində birinci olacaq. Bundan əlavə, o, əvvəllər əksər rəqibləri üzərində qələbə qazanıb. Stadnikin 10-cu qitə titulunu qazandığı Buxarestdə keçirilən Avropa çempionatındakı qələbəsini nəzərə alsaq, o, lisenziyaya doğru tam yelkənlə irəliləyəcək”.
Qeyd edək ki, turnirin finalçıları Paris-2024 Yay Olimpiya Oyunlarına vəsiqəyə sahib olacaqlar.
İdman.biz
