Osman Nurmaqomedov da Paris-2024-ə lisenziya qazanıb - FOTO - VİDEO

Xəbərlər
7 Aprel 2024 19:42
532
Osman Nurmaqomedov da Paris-2024-ə lisenziya qazanıb - FOTO - VİDEO

Osman Nurmaqomedov Paris-2024 Yay Olimpiya Oyunlarında iştirak edəcək.

İdman.biz xəbər verir ki, Azərbaycan millisinin sərbəst güləşçisi bu hüququ Bakıda keçirilən güləş üzrə Avropa Olimpiya Təsnifat Turnirində əldə edib.

86 kq çəkidə çıxış edən idmançımız Olimpiya "bileti" üçün həlledici görüşdə Vasili Mixaylovla (Ukrayna) üz-üzə gəlib. Bunadək Domantas Pauliçenkonu (Litva) 11:0, Samuel Şerreri (İsveçrə) 5:0, Maqomed Ramazanovu (Bolqarıstan) 6:2 hesabı ilə məğlub edən güləşçimiz ardıcıl 4-cü qələbəsini qazanıb – 4:1. Yarımfinaldakı uğur idmançımıza Parisə lisenziya qazandırıb.

Ondan öncə eyni uğura Əliabbas Rzazadə (57 kq), Hacı Əliyev (65 kq) və Turan Bayramov (74 kq) da imza atıb.

Qeyd edək ki, Bakıda keçirilən yarışda ümumilikdə 36 güləşçi Olimpiadaya vəsiqə qazanacaq.

İdman.biz