Serbiyanın Novi Sad şəhərində keçirilən U-20 Avropa çempionatında yunan-Roma güləşçilərinin mübarizəsi başa çatıb.
İdman.biz xəbər verir ki, yığmamız daha 3 medal qazanıb.
İsmayıl Rzayev (82 kq) finalda türkiyəli Alperen Berberlə qarşılaşıb. Görüş rəqib idmançının qələbəsi ilə başa çatıb.
Tural Əhmədov (60 kq) 3-cü yer uğrunda ukraynalı Bohdan Qrişinlə qarşılaşıb. Güləşçimiz 3:1 hesabı ilə qalib gələrək, fəxri kürsünün 3-cü pilləsində yer alıb.
Ruslan Nurullayev isə (72 kq) Turalın uğurunu təkrarlayıb. O, bürünc uğrunda qarşılaşmada Arionas Kolitsopulosla üz-üzə gəlib və 4:1 hesabı ilə qalib gəlib.
Fəraim Mustafayev (67 kq) isə bürünc qazanmaq şansını əldən verib. O, həlledici görüşdə gürcüstanlı Rati Xozrevanidziyə 0:11 hesabı ilə uduzub.
Qeyd edək ki, Novi Sadda ilk medalı hesabına Məhəmməd Şükürzadə (63 kq) yazdırıb. O, bürünc qazanıb.
İdman.biz
