İspaniyanın Pontevedra şəhərində keçirilən güləş üzrə U-20 dünya çempionatı davam edir.
İdman.biz xəbər verir ki, yarışın 4-cü günündə qadın güləşçilərin mübarizəsi davam edir.
Azərbaycanın 2 pəhləvanı 1/8 final mərhələsində mübarizəyə başlayıb.
U-20 dünya çempionatı
Qadın güləşi
5️3 kq
Əsmər Cankurtaranın ilk mərhələdə rəqibi Sofiia Marçenkoya (Ukrayna) “tuş”la qalib gəlib. Əsmər uğurlu çıxışını 1/4 finalda davam etdirə bilməyib. Burda o, hindistanlı Jyoti Jyotiyə 4:15 hesabı ilə uduzub. Rəqibi fınala yüksəlmədiyi üçün idmançımız bürünc medal şansını itirib.
62 kq
Günay Qurbanova ilk görüşündə Annatina Kendraya (İsveçrə) 16:5 hesabı ilə qalib gəlsə də bu çıxışını 1/4 finalda davam etdirə bilməyib. Günay ukraynali İrina Bondara 4:10 hesabı ilə uduzub. Bondar finala vəsiqə qazandığı üçün bürünc medal uğrunda təsəlliverici görüşdə iştirak edəcək.
Qeyd edək ki, Azərbaycan yığması mundialda 25 idmançı ilə təmsil olunur. Dünya çempionatına sentyabrın 8-də yekun vurulacaq.
İdman.biz
