“Mənim qələbəmə sevinən, azarkeşlik edən Azərbaycan xalqına təşəkkürümü bildirirəm”.
İdman.biz xəbər verir ki, bunu Azərbaycan millisinin güləşçisi Jalə Əliyeva (57 kq) deyib.
O, Albaniyanın paytaxtı Tiranada keçirilən U-23 dünya çempionatındakı qızıl medal qazanmasını şərh edib. Federasiyanın mətbuat xidmətinə təəssüratlarını bölüşən Əliyeva bildirib ki, bundan sonra da əzimlə hazırlaşıb, yeni tarixlər yazmağa, qələbələr qazanmağa çalışacaq: “Ən əsası 3 rəngli bayrağımızı yüksəklərdə dalğalandırmaq istəyirəm. Daha möhtəşəm uğurlarımız qabağdadır. Bu, dünya çempionluğum digər güləşçi qızlarımıza açılan yol olsun”.
Qeyd edək ki, Jalə Əliyeva U-23 dünya çempionu olan ilk qadın güləşçimiz olub.
İdman.biz
