Bu gün Albaniyanın paytaxtı Tiranada qeyri-olimpiya çəkiləri üzrə dünya çempionatına start veriləcək.
İdman.biz xəbər verir ki, ilk gündə yunan-Roma güləşçiləri mübarizə aparacaq.
Azərbaycan 4 çəki dərəcəsinin hər birində təmsil olunacaq.
Dünya çempionatı
Yunan-Roma güləşi
57 kq
Üçqat dünya çempionu Eldəniz Əzizli yarışa 1/8 finaldan qoşulacaq. O, albaniyalı Bayram Sina ilə üz-üzə gələcək.
63 kq
İlk mərhələdən mübarizəyə başlayacaq Nihat Məmmədli İldar Hafizovla (ABŞ) gücünü yoxlayacaq.
72 kq
Ülvi Qənizadənin 1/8 finalda rəqibi Otar Abuladze (Gürcüstan) – Amadeuş Vitek (Macarıstan) cütünün qalibi olacaq.
82 kq
Qurban Qurbanov təsnifat mərhələsində albaniyalı Kevin Kupini sınağa çəkib. O, rəqibinə tam üstünlüklə (9:0) qalib gələrək 1/8 finala yüksəlib.
Qeyd edək ki, mundiala oktyabrın 31-də yekun vurulacaq.
İdman.biz
