Azərbaycan Güləş Federasiyasının prezidenti Mikayıl Cabbarov Albaniyada keçirilən dünya çempionatında 3 qızl medal qazanan güləşçilərimizlə bağlı sosial şəbəkə hesabında paylaşım edib.
İdman.biz xəbər verir ki, o, tarixi uğurlar münasibətilə güləşçilərimizi, onların valideynlərini və məşqçilərini təbrik edib.
“Albaniyanın paytaxtı Tiranada keçirilən dünya çempionatında güləşçilərimiz 3 qızıl medal qazandılar. Eldəniz Əzizli tarixi uğura imza ataraq, Azərbaycan güləşinin ilk 4 qat dünya çempionu oldu. Nihat Məmmədli və Ülvü Qənizadə isə karyeralarında ilk dəfə dünyaçempionatında qalib gəldilər. Yunan-Roma güləşi üzrə millimiz titulunu qorudu və ikinci dəfə komanda hesabında dünya çempionu oldu. Tarixi uğurlar münasibətilə güləşçilərimizi, onların valideynlərini və məşqçilərini təbrik edirik”, - deyə paylaşımda vurğulanıb.
İdman.biz
