Dünya Güləş Birliyi (UWW) 2024-cü ilin yekun reytinq cədvəlini açıqlayıb.
İdman.biz xəbər verir ki, qurumun rəsmi saytının açıqladığı siyahıda Azərbaycanın iki güləşçisi 1-ci pilləni tutub.
Yunan-Roma güləşində Eldəniz Əzizli (55 kq) və Ülvi Qənizadə (72 kq) öz çəki dərəcələrində lider mövqeyində qərarlaşıblar. Nihat Məmmədli (63 kq), Həsrət Cəfərov (67 kq) və Sənan Süleymanov (77 kq) isə ikinci pillədə yer alıblar.
Sərbəst güləşçilərdən ən yaxşı nəticəyə Nürəddin Novruzov (61 kq) imza atıb. O, ikincidir.
Qadın güləşində isə ən yaxşı nəticə üçüncü sırada yer alan Alyona Kolesnikə (59 kq) məxsusdur.
Qeyd edək ki, siyahı tərtib edilərkən Olimpiya Oyunları, dünya və qitə çempionatları, eləcə də reytinq turnirlərinin nəticələri nəzərə alınıb.
İdman.biz
