Güləş üzrə Azərbaycan çempionatı davam edir.
İdman.biz xəbər verir ki, yarışın ikinci günündə daha 5 çəkidə mükafatçılar müəyyənləşəcək.
Bu gün 60 kq, 67 kq, 77 kq, 87 kq və 130 kq çəkidə mübarizə aparan yunan-Roma güləşçiləri xalça üzərinə çıxacaqlar. Bununla da “klassiklər”in mübarizəsinə yekun vurulacaq.
Bakı İdman Sarayında təşkil olunan çempionatda ilkin mərhələlərin görüşləri saat 10:00-da başlayıb. Medallar uğrunda qarşılaşmalar isə 17:00-da start götürəcək.
Qeyd edək ki, dekabrın 27-dək davam edəcək ölkə çempionatında medal qazanan pəhləvanlar milli komandaların tərkibinə cəlb olunacaq.
İdman.biz
