Bu gün güləş üzrə Azərbaycan çempionatına yekun vurulacaq.
İdman.biz xəbər verir ki, yarışın son günündə 5 çəkidə mükafatçılar müəyyənləşəcək.
Xalçaya çıxacaq sərbəst güləşçilər 61 kq, 70 kq, 79 kq, 92 kq və 125 kq çəkidə mübarizə aparacaqlar. Bakı İdman Sarayında təşkil olunan çempionatda ilkin mərhələlərin görüşləri saat 10:00-da başlayacaq. Medallar uğrunda qarşılaşmalar isə 17:00-da start götürəcək.
Qeyd edək ki, ölkə çempionatında medal qazanan pəhləvanlar milli komandaların tərkibinə cəlb olunacaq.
İdman.biz
