Azərbaycan güləş millisinin “Zaqreb Open” üçün ilkin heyəti bəlli olub.
İdman.biz-in əldə etdiyi məlumata görə, 2025-ci ilin ilk yarışına 14 pəhləvanımız sifariş edilib.
Sərbəst güləş yığmamız Xorvatiya paytaxtında tam heyətlə yollanacaq. 10 çəki dərəcəsində təmsilçilərimiz də medallar üçün mübarizə aparacaq.
Yunan-Roma güləşi üzrə millinin 4 üzvü də Zaqreb xalçasına çıxacaq. Qadın millimiz sifariş olunanların ilkin siyahısında yer almayıb.
Sərbəst güləş yığması: İslam Bazarqanov (57 kq), Nurəddin Novruzov (61 kq), Əli Rəhimzadə (65 kq), Ramik Heybətov (70 kq), Ağanəzər Novruzov (74 kq), Əşrəf Aşırov (79 kq), Cəbrayıl Hacıyev (86 kq), Abubakr Abakarov (92 kq), Maqomedxan Maqomedov (97 kq), Giorgi Meşvildişvili (125 kq).
Yunan-Roma güləşi yığması: Eldəniz Əzizli (55 kq), Ziya Babaşov (63 kq), Həsrət Cəfərov (67 kq), Ruslan Abdullayev (72 kq).
Qeyd edək ki, turnir fevralın 5-9-da keçiriləcək.
İdman.biz
