Albaniyanın paytaxtı Tiranada keçirilən 23 yaşadək güləşçilər arasında Avropa çempionatı davam edir.
İdman.biz xəbər verir ki, bu gün qadınlar arasında mübarizəyə yekun vurulacaq.
Azərbaycan millisinin 3 təmsilçisi medallar uğrunda yarışır.
Qadın güləşi
53 kq
Elnurə Məmmədova çempionatın finalında Yekaterina Karpuşkina ilə qüvvəsini sınayıb. 3:0 hesabı ilə qalib gələn güləşçimiz Avropa çempionu olub.
57 kq
Gültəkin Şirinova təsəlliverici görüşdə türkiyəli Əminə Çakmaka 7:5 hesabıyla qalib gəlbi. O, eyni uğuru bürünc medal uğrunda qarşılaşmada davam etdirə bilməyib. Gültəkin rumıniyalı Georgiana Lirkaya 2:9 hesabı ilə uduzub.
65 kq
Ruzanna Məmmədova bürünc uğrunda Oleksandra Rıbaka (Ukrayna) ilə güləşib. 2:8 hesabı ilə uduzan idmançımız yarışı medalsız başa vurub.
İdman.biz
